केसांच्या समस्यांची चिंता? केसांना तेल लावण्याचे हे चमत्कारीक फायदे वाचून थक्क व्हाल..

प्रदूषण, तीव्र तापमान, वाईट सवयी तसेच अयोग्य जीवनशैली, असंतुलनात्मक आहार आणि ताणतणाव इ. अशा अनेक कारणांमुळे आपल्या केसांवर दररोज खूप आघात होऊ शकतात, परंतु आपल्या केसांना खरोखर बहुतेक अडचणींपासून मुक्त करते ते म्हणजे केसांच्या तेलाचा नियमित वापर.

केसांना तेल लावणे महत्वाचे का आहे?

आपल्या केसांना आवश्यक पोषण पुरविण्यासाठी व निरोगी ठेवण्यासाठी ऑईलिंग अतिशय आवश्यक आहे. कोणत्याही शुद्ध नैसर्गिक तेलाने डोक्यावर मालिश केल्याने केवळ केसांची वाढ होत नाही तर मन देखील शांत होते.

मालिश केल्याने रक्त परिसंचरण सुधारते, ज्यामुळे केसांच्या मुळांना अधिक पोषण मिळते. आपल्या केसांच्या त्वचेखालील कोशाच्या तळाशी मुळांपासून केस वाढत असताना, आपल्या टाळूतील रक्त हे केसांच्या मुळांपर्यंत ऑक्सिजन आणि पोषक तत्वांचा पुरवठा करणाऱ्या हेअर फॉलिकल्स म्हणजेच केसांच्या कोशांमध्ये जाते.

तेल कसे लावावे?

तेल लावण्यापूर्वी जर ते हलके कोमट करून लावले तर अतिशय उत्तम. अशाप्रकारे तेल हलकेसे गरम केल्यामुळे पोषक तत्त्वांचे शोषण तर चांगले होतेच पण त्याचबरोबर तेलाची केसांच्या मुळांपर्यंत प्रवेश करण्याची क्षमता देखील वाढविण्यास मदत करते. परिपत्रक गतीने (circular motion) अगदी हलक्या हाताने कोमट तेलाने मालिश केल्याने आपल्याला विश्रांती सुद्धा मिळते आणि केसांची छान काळजी ही घेतली जाते.

केसांना नियमितपणे तेल लावणे (किमान आठवड्यातून २ ते ३ वेळा) आणि असे हलक्या गरम तेलाने मालिश केलेले केस रात्रभर ठेवणे केसांसाठी अत्यंत फायदेशीर ठरते. ज्यामुळे केसांमधील वंगण तर वाढतेच पण त्याचबरोबर केस गळती रोखण्यास सुद्धा मदत होते. आपण दुसऱ्या दिवशी सौम्य शैम्पू आणि हलक्या कोमट पाण्याने आपले केस धुवू शकता. तेल लावल्यानंतर बाहेर जाणे टाळावे कारण, कोणतेही तेल हे थोडेसे चिकट असल्यामुळे त्यावर हवेतील धूलिकण हे लगेच आकर्षित होतात आणि त्यामुळे केसांना इजा होऊ शकते. अस्वच्छ आणि घाम आलेल्या केसांवर तेल लावणे देखील टाळा.

आजच्या पिढीतील बहुतेक लोकांना केसांमध्ये कोंडा होण्याची समस्या भेडसावते. कोरड्या टाळूमुळे डोक्यामध्ये कोंडा होऊ शकतो आणि डोक्यातील कोंड्यामुळे अखेर केस गळतात. आपले केस निरोगी राहण्यासाठी आणि कोंड्यासारख्या समस्येतून मुक्त होण्यासाठी आठवड्यातून किमान दोनदा तरी तेल लावावे.

जर आपले केस अत्यंत कोरडे असतील तर आपण आपल्या केसांना तेल लावू शकता आणि नंतर टॉवेल कोमट पाण्यात भिजवून आपल्या डोक्यावर लपेटू शकता. यामुळे टाळूमध्ये तेल चांगल्या प्रकारे शिरण्यास मदत होईल.

चला नियमितपणे आपल्या केसांना तेल लावण्याच्या फायद्यांचा आढावा घेऊया.

ऑइलिंगचे फायदे

1. केसांची नैसर्गिकरित्या पोषणाची हमी.

२. केसांमध्ये कोंडा होणे, केस गळणे आणि अकाली केस पांढरे होणे यांसारख्या समस्यांना प्रतिबंधित करते.

3. केसांच्या वाढीस उत्तेजन देण्यासाठी केसांच्या रोमांना मजबूत करते.

4. केसांमधील फ्रिझझिनेस कमी करून केसांना हायड्रेशन प्रदान करते.

5. केसांच्या मुळांना पोषण देते ज्यामुळे केस मुलायम राहण्यास मदत होते. 

6. निर्जीव झालेल्या केसांना पोषण देऊन केसांचा पोत सुधारण्यास मदत करते. 

7. केसांच्या मुळांशी स्थित असलेल्या त्वचेला आवश्यक जीवनसत्वे देऊन निरोगी ठेवते.

8. केसांना एकप्रकारची नैसर्गिक चमक मिळते.

9. केसांच्या मुळांना पोषक अशी जीवनसत्त्वे पुरविते.

10.  विश्रांती प्रदान करते.

कृपया आपल्याला माहिती उपयुक्त असल्याचे वाटत असल्यास आणि याचा फायदा झाल्यास मला कळवा. पोषणयुक्त समतोल आहार घ्या आणि निरोगी रहा.  अशाचप्रकारे केसांसाठी आवश्यक मूल्यांकानीयुक्त असे वेगवेगळे घटक पदार्थ, आवश्यक फळे आणि केसांची निगा राखण्यासाठी इतर टिपांसाठी पुढील लेख देखील पहात रहा.

कृपया आपले प्रश्न पोस्ट करा किंवा टिप्पण्यांमध्ये खाली अभिप्राय द्या. माझ्या पुढील पोस्टसाठी सूचना प्राप्त करण्यासाठी कृपया अनुसरण करा / सदस्यता घ्या.