कमी रोग प्रतिकारशक्ती बाबत चिंता? आजच करा या सुपरफूड्सची सुरूवात

आपल्या सर्वांना माहित आहे की "प्रतिबंधात्मक उपाय हे उपचार करण्यापेक्षा नेहमीच योग्य असतात". संसर्ग किंवा आजारांपासून मुक्त होण्याचा सर्वात सोपा मार्ग म्हणजे रोगप्रतिकारक पेशींचे कार्य वाढवून आपली रोगप्रतिकार क्षमता पुरेशी मजबूत बनविणे, जेणेकरुन आपण सहजपणे आजारास रोखू शकतो. आपल्या आहारामध्ये खालील रोगप्रतिकारशक्ती वाढविणार्‍या उत्कृष्ट खाद्यपदार्थांचा समावेश केल्याने आपल्यामध्ये रोगप्रतिकारशक्ती निर्माण केली जाते ज्यामुळे आपण तंदुरुस्त राहू शकतो.

अत्यावश्यक जीवनसत्त्वे आणि खनिजे यांनी परिपूर्ण तसेच सहज उपलब्ध होणाऱ्या अशा खालील पदार्थांचा आपण आपल्या आहारात समावेश करू शकता.

उच्च प्रतीचे २० खाद्यपदार्थ 

1. सुका मेवा सुक्या मेव्याचा समावेश केल्याने शरीरात विषाणूजन्य संक्रमणापासून बचाव होऊ शकतो. यामध्ये नैसर्गिकरित्या आढळणारी रासायनिक संयुगे विविध प्रकारच्या संसर्गाविरुद्ध लढण्यासाठी प्रतिकारशक्तीला चालना देतात. बदाम: व्हिटॅमिन-ई आणि अँटी-ऑक्सिडेंटचा एक उत्कृष्ट स्त्रोत, जो रोगप्रतिकारक शक्ती वाढवितो. यात कॅल्शियम, लोह, मॅग्नेशियम, झिंक देखील आहे. काजू: झिंकचा समृद्ध स्त्रोत, रोगप्रतिकारक शक्तीसाठी आवश्यक आणि पोषक. तसेच यात व्हिटॅमिन-बी ६, लोह, मॅग्नेशियम, सेलेनियम आणि व्हिटॅमिन-ई सारख्या अँटीऑक्सिडंटचा समावेश आहे. अक्रोड: ओमेगा-३ फॅटीऍसिडस् मध्ये समृद्ध, व्हिटॅमिन बी ६ (पायिडॉक्सिन) आणि गॅमा-टोकॉफेरॉल म्हणून ओळखल्या जाणार्‍या व्हिटॅमिन-ई च्या विशिष्ट प्रकारची उच्च पातळी देखील आहे.

2. "सी" जीवनसत्वाने समृद्ध फळे संत्री, किवी, लिंबू, स्ट्रॉबेरी, मोसंबी, आवळा यांसारखी फळे व्हिटॅमिन-सी चा सर्वात श्रीमंत स्त्रोत आहेत. अतिशय महत्वाचा अँटीऑक्सिडेंट आणि रोग प्रतिकारशक्ती वाढविण्यासाठी आवश्यक असलेल्या महत्त्वपूर्ण पोषक घटकांपैकी एक आहे. हे व्हायरस किंवा बॅक्टेरिया किंवा इतर आक्रमण करणार्‍या रोगजनकांमुळे होणाऱ्या विविध प्रकारच्या संक्रमणापासून बचावासाठीचा अग्रगण्य स्रोत आहे. हिरव्या भाज्या आणि इतर लोहयुक्त खाद्यपदार्थांवर लिंबू पिळल्यामुळे लोहाचे शोषण वाढते जे रोगप्रतिकार शक्ती टिकवून ठेवण्यासाठी आवश्यक खनिज आहे.

3. पालक अतिशय पौष्टिक तसेच हिरवीगार पाने असल्याने मुळातच पालकला आवश्यक सूक्ष्म पोषक घटकांचे पॉवरहाउस म्हटले जाते, जे रोगप्रतिकारक शक्तीची कार्यक्षमतेने वाढ करते. हे  लोह, कॅल्शियम, फोलिक ऍसिडस, व्हिटॅमिन-सी, व्हिटॅमिन-ई आणि व्हिटॅमिन- ए (बीटा कॅरोटीन) आणि व्हिटॅमिन-बी ६ (पायिडॉक्सिन) यांनी  समृद्ध आहे.

4. ग्रीन टी ग्रीन टीमध्ये मोठ्या प्रमाणात फ्लेव्होनॉइड्स आणि कॅटेचिन असतात तसेच ते सामर्थ्यवान अँटीऑक्सिडेंट्सचे नैसर्गिक स्वरूप आहेत, जे रोगप्रतिकारक शक्तीचे कार्य वाढविण्यात मदत करतात. यामध्ये व्हिटॅमिन-ए, व्हिटॅमिन-सी, व्हिटॅमिन-ई, फोलिक ऍसिड, अमिनो ऍसिडस्  व खनिजे देखील आहेत.

5. सफरचंद  सफरचंद सर्वात लोकप्रिय फळांपैकी एक आहे जे विविध प्रकारचे स्मूदी किंवा सॅलॅड्स मध्ये सुद्धा  खाल्ले जाऊ शकते.  या  पोषणयुक्त फळामध्ये व्हिटॅमिन-सी, व्हिटॅमिन-बी १, व्हिटॅमिन-बी २, व्हिटॅमिन-बी ६, व्हिटॅमिन-ए, व्हिटॅमिन-ई, लोह, कॅल्शियम, पोटॅशियम, मॅग्नेशियम व भरपूर प्रमाणात अँटीऑक्सिडेंट असतात जे रोग प्रतिकारक्षमता वाढविण्यासाठी मदत करतात आणि आरोग्य निरोगी ठेवतात. सफरचंदांमध्ये पेक्टिननावाचे विद्रव्य तंतूमय पदार्थ म्हणजेच फायबर्स जास्त असतात जे एंटी-इंफ्लेमेटरी म्हणून कार्य करतात आणि रोगप्रतिकार शक्ती मजबूत ठेवण्यास मदत करतात.

6. ब्रोकोली ब्रोकोलीमध्ये व्हिटॅमिन-सी, व्हिटॅमिन-ए (बीटा कॅरोटीन), फॉलेट तसेच जस्त, मॅग्नेशियम, पोटॅशियम, सेलेनियम या समृद्ध खनिजांनी समृद्ध आहे जे निरोगी रोगप्रतिकार शक्ती टिकवून ठेवण्यास मदत करते. यामध्ये कॅलरीज चे प्रमाण देखील कमी आहे.  उच्च आहारातील फायबर्स सोबतच अँटी-इंफ्लेमेटरी आणि अँटीऑक्सिडेंट प्रभावांची श्रेणी असल्यामुळे आपल्या आहारामध्ये समावेश करण्यासाठी एक अत्यंत फायदेशीर फळभाजी आहे.

7. अंड अंड हा बहुतेक लोकांचा आवडता खाद्यपदार्थ असून तो बाहेरपासून आतपर्यंत पौष्टिकगुणांनी युक्त आहे, कारण त्यात जवळजवळ प्रत्येक पोषक घटकतत्वे असतात. प्रथिने मुबलक प्रमाणात उपलब्ध आहेत. भरपूर प्रमाणात अँटीऑक्सिडेंट्स, ए, बी, डी, ई सारख्या जीवनसत्त्वे आणि झिंक, सेलेनियम, लोह, कॅल्शियम सारख्या खनिज पदार्थांनी परिपूर्ण जे रोग प्रतिकारशक्तीला चालना देतात आणि संक्रमणांपासून बचाव करण्यासाठी निरोगी ठेवतात. अंड बनविणे तर खूपच सोपे आहे आणि उकडलेले अंड खाणे जास्त फायदेशीर ठरते.

8. ऑलिव्ह ऑईल  ऑलिव्ह ऑइल मधे अँटीऑक्सिडंट्सची सर्वाधिक मात्रा आहे. ओमेगा-३ आणि ओमेगा-६ सारख्या फायदेशीर फॅटी ऍसिडस् तसेच अँटी-इन्फ्लमेटरी गुणधर्मांसह व्हिटॅमिन-ई चांगली मात्रा आहे. यामुळे संक्रमणाविरूद्ध एक चांगल संरक्षण प्रदान करते. हे आरोग्यासाठी बरेच फायदे असलेले उत्तम तेल आहे. सॅलाड ड्रेसिंग आणि सॉसच्या विविध प्रकारांमध्ये वापरले जाऊ शकते.

9. समुद्री खाद्य / मासे मोठे मासे - रावस, बांगडा, सुरमई, जिताडा आणि शिंपले, कालवे, माखल्या, खेकडे इत्यादी. ओमेगा फॅटीऍसिडस्, अत्यावश्यक अमीनो असिड्स, झिंक, सेलेनियम, लोह, कॅल्शियम, पोटॅशियम, मॅग्नेशियम यासह ए, बी, डी, ई सारख्या जीवनसत्त्वांनी समृद्ध ,जे रोगप्रतिकारक पेशींचे कार्य वर्धित करते आणि अखंडतेची देखरेख करते. रोगप्रतिकार क्षमता वाढविते.

10. पपई पपई हा अँटीऑक्सिडंट्स आणि व्हिटॅमिन-ए चा एक सर्वोत्तम स्रोत आहे. त्याचबरोबर व्हिटॅमिन-ई, व्हिटॅमिन-बी १ (थायमिन), व्हिटॅमिन-बी ३ (नियासिन), व्हिटॅमिन-बी ५ (पॅन्टोथेनिक असिड) आणि व्हिटॅमिन-बी ६ (पायिडॉक्सिन), व्हिटॅमिन-सी, फॉलीक ऍसिड सह भरपूर  कॅल्शियम, पोटॅशियम आणि मॅग्नेशियम यांनी परिपूर्ण आहे. अशाप्रकारे पपई हे एक प्रतिरक्षा बूस्टर फळ आहे. यात पॅपेन नावाचे एक महान पाचन संप्रेरक आहे ज्यात एंटी-इंफ्लेमेटरी म्हणजेच सूज कमी करण्याचा प्रभावदेखील आहे.

11. ओट्स ओट्स संपूर्णतः पोषकतत्वांनी युक्त असतात, जे संसर्ग दूर करण्यास मदत करतात. व्हिटॅमिन बी-कॉम्प्लेक्स, लोह, कॅल्शियम, झिंक, सेलेनियम, मॅग्नेशियम, पोटॅशियम, अमीनो ऍसिडस्, ओमेगा-३ फॅटी ऍसिडस् आणि अँटीऑक्सिडंट्सचा समावेश असलेला कमी कॅलरीज असणारा एक पौष्टिक पदार्थ आहे. एक वाटी ओट्स शरीरास आवश्यक तंतुमय पदार्थ आणि प्रथिने सुद्धा वितरण करते.

12. रताळे  रताळे हे व्हिटॅमिन-ए (बीटा कॅरोटीन) चे एक उत्कृष्ट नैसर्गिक स्त्रोत आहे. याव्यतिरिक्त व्हिटॅमिन-बी ३, व्हिटॅमि-बी ६, व्हिटॅमिन-सी, लोह, पोटॅशियम, मॅंगनीज आणि अँटीऑक्सिडंट्स जे रोगप्रतिकारक कार्याची उन्नती करतात आणि शरीरास निरोगी राखतात. आहारातील आवश्यक तंतुमय पदार्थ म्हणजेच फायबरचा एक उत्कृष्ट स्त्रोत असल्याने काही पदार्थांमध्ये बटाटे ऐवजी रताळे वापरणे सर्वोत्तम पर्याय असू शकतो.

13. सूर्यफूल आणि भोपळा बियाणे ही बियाणे महत्त्वपूर्ण पौष्टिक मूल्यांनी समृद्ध आहेत. सेलेनियम आणि झिंकमध्ये अतुलनीय उच्च प्रमाणात असून व्हिटॅमिन-ई आणि व्हिटॅमिन-बी ६ (पायराइडॉक्सिन), लोह, मॅग्नेशियम, फॉस्फरस आणि आवश्यक ओमेगा फॅटी ऍसिडचा उत्कृष्ट स्रोत आहेत.

14. चिकन  हा प्रोटिन्सचा एक उत्कृष्ट स्रोत आहे ज्यात व्हिटॅमिन ए, व्हिटॅमि-बी ३ (नियासिन), व्हिटॅमिन बी-१२, व्हिटॅमिन-डी आणि लोह, कॅल्शियम, झिंक, मॅग्नेशियम, सेलेनियम, फॉस्फरस, पोटॅशियम सारख्या खनिज पदार्थांचा समावेश आहे जे निरोगी रोगप्रतिकारशक्ती  तयार करण्यास मदत करते. याशिवाय व्हिटॅमिन बी-६ (पायिडॉक्सिन) हे  डीएनए आणि आरएनए उत्पादनात एक महत्त्वपूर्ण व्हिटॅमिन आहे ज्याद्वारे रोगप्रतिकारक पेशी संक्रमणाविरूद्ध लढाई करण्याच्या कार्यात सक्षमता प्रदान करते.

15. लाल सिमला मिरची  लाल सिमला मिरची ही एक खूप चांगली रोगप्रतिकारकक्षमता वाढविणारी जीवनसत्व-सी ने समृद्ध अशी फळभाजी आहे. कारण त्यात लिंबूवर्गीय फळांपेक्षा ३ पट जास्त आणि हिरव्या सिमला मिरची पेक्षा दुप्पट प्रमाणात व्हिटॅमिन-सी असते. व्हिटॅमिन-ए, व्हिटॅमिन-ई, व्हिटॅमिन-बी ६, लोह, मॅग्नेशियम आणि इतर अनेक निरोगी अँटिऑक्सिडंट्स आढळतात. हे बर्‍याच पाककृतींमध्ये सहज वापरले जाऊ शकते किंवा कोशिंबीरीमध्ये देखील कच्चे खाऊ शकता.

16. चरबी नसलेले दूध दूध हा व्हिटॅमिन-ए, व्हिटॅमिन-डी, व्हिटॅमिन-बी १ (थायमिन), व्हिटॅमिन-बी २ (रिबॉफ्लेविन) यासारख्या विपुल जीवनसत्त्वे असलेल्या तसेच सर्व नऊ प्रकारच्या आवश्यक अमीनो ऍसिडस् यांनी समृद्ध असा नैसर्गिक गुणकारी स्रोत आहे. त्याचबरोबर दूधामध्ये कॅल्शियम, मॅग्नेशियम, लोह, झिंक, सेलेनियम, फॉस्फरस यासारख्या महत्त्वपूर्ण खनिज पदार्थांच्या घटकांचा समावेश असतो. व्हिटॅमिन-बी १२ आणि विशिष्ठ प्रकारचे अँटीऑक्सिडेंट्स जे सामर्थ्यवान आरोग्यासाठी फायदेशीर असतात व रोगप्रतिकारक पेशींची रोग-लढाऊ क्षमता वाढवतात .

17. खजूर आणि अंजीर उच्च पौष्टिक तत्वांसह खजूर आणि अंजीर हे लोह, कॅल्शियम, फॉस्फरस, मॅग्नेशियम, जस्त तसेच व्हिटॅमिन-ए, व्हिटॅमिन-बी कॉम्प्लेक्सचा महत्त्वपूर्ण स्रोत आहेत. बर्‍याच रोग-प्रतिरोधक अँटिऑक्सिडेंट्ससह पर्याप्त प्रमाणात आहारातील तंतुमय पदार्थ म्हणजेच फायबर्स ने समृद्ध.   आपल्या आहारात यांचा समावेश करणे अतिशय सोपे आहे. यातील गुणकारी घटकांचे आपल्या शरीरात उत्तम शोषण होण्यासाठी न्याहारीपूर्वी, सकाळी शक्यतो खाणे जास्त चांगले.

18. मशरूम मशरूममध्ये बीटा-ग्लूकॅन नावाचा एक नैसर्गिक पॉलिकेराइड (विद्रव्य तंतुमय पदार्थ) आढळून येतो. ज्यामध्ये इम्यूनोमोड्युलेटींग गुणधर्म आहेत, म्हणजेच शरीरातील प्रत्येक रोगप्रतिकारक पेशी सक्रिय करून हे रोगप्रतिकार क्षमता वाढविण्याचे कार्य करते. सेलेनियम आणि व्हिटॅमिन-सी सह अत्यावश्यक अमीनो ऍसिडचा आणि अँटीऑक्सिडेंट्स चा एक उत्कृष्ट नैसर्गिक स्त्रोत आहे. जे घटक शरीरास संक्रमणापासून संरक्षण देतात आणि रोगप्रतिकारक शक्ती वाढवितात. त्यात व्हिटॅमिन-डी आणि बी-कॉम्प्लेक्स देखील थोड्या प्रमाणात प्रमाणात आहे.

19. बीट आणि गाजर बीट: बीट हे लोह घटकाने संप्पन असून व्हिटॅमिन-बी ९ (फोलेट) चा उत्कृष्ट स्त्रोत आहे. अँटिऑक्सिडंट्सने परिपूर्ण तसेच व्हिटॅमिन सी, झिंक, मॅग्नेशियम आणि आवश्यक तंतुमय पदार्थ म्हणजेच फायबर असलेले, जे आपल्या प्रतिकारशक्तीस चालना देण्यास पौष्टिक आहे आणि ते रोगप्रतिकारक्षमता देखील मजबूत बनवते. गाजरः गाजर हा व्हिटॅमिन-ए (बीटा कॅरोटीन) चा सर्वोत्तम नैसर्गिक स्त्रोत आहे. तसेच व्हिटॅमिन-बी ६, व्हिटॅमिन-बी ९ (फोलेट), व्हिटॅमिन-सी, लोह, जस्त आणि अँटिऑक्सिडेंट्सचा समृद्ध स्रोत आहे. वरील सर्व पोषकघटक मजबूत रोगप्रतिकारक शक्ती निर्माण करण्यासाठी महत्त्वपूर्ण आहेत.

20. मोड आलेले कडधान्य अंकुरण्याची प्रक्रिया वनस्पतींच्या संयुगांचे पौष्टिक मूल्य वाढवते म्हणून मोड आलेले कडधान्य पौष्टिक असतात. व्हिटॅमिन-सी, व्हिटॅमिन-ए आणि अँटिऑक्सिडंट्स सह प्रथिनांचा एक अद्भुत स्त्रोत असल्याने शरीरातील पांढर्‍या रक्त पेशींना उत्तेजन देऊन संक्रमणांपासून दूर राहण्यासाठी मजबूत  बनवते आणि निरोगी रोगप्रतिकार शक्ती प्रबल करण्यास मदत करते. तसेच झिंक, कॅल्शियम, लोह, मॅग्नेशियम आणि व्हिटॅमिन बी-कॉम्प्लेक्स देखील असते. मोड आलेले कडधान्य हे खनिज शोषणात अडथळा निर्माण करणारे घटक सुध्दा कमी करतात.

कृपया आपले प्रश्न पोस्ट करा किंवा टिप्पण्यांमध्ये खाली एक अभिप्राय द्या. माझ्या पुढील पोस्टसाठी सूचना प्राप्त करण्यासाठी कृपया 'Follow' बटणावर क्लिक करा.